Muborak Ramazon oyi munosabati bilan mamlakatimizning barcha hududlarida boʻlgani kabi, Xorazm viloyatida ham ijtimoiy koʻmakka muhtoj, kam taʼminlangan, boquvchisini yoʻqotgan oilalarni qoʻllab-quvvatlashga qaratilgan xayriya tadbirlari jadal surʼatda davom etmoqda.
Xususan, kecha “Vaqf” xayriya jamoat fondining Xorazm viloyati filiali tomonidan ana shunday katta xayriya tadbiri tashkil etilib, yuzdan ortiq ehtiyojmand oilalarga xayr-saxovat koʻrsatildi.
Saxovatpesha homiylar koʻmagida katta xayriya mahsulotlari yigʻilib, viloyatning Hazorasp tumanida yashovchi 150 ta ijtimoiy himoyaga muhtoj oilalarga moddiy yordam koʻrsatildi. Ularga zaruriy oziq-ovqat mahsulotlari, kiyim-kechaklar, maishiy texnika, oʻyinchoqlar toʻplami va pul mablagʻilari berildi.
