Bugun, 24-sentabr kuni Ko‘kaldosh o‘rta maxsus islom ta’lim muassasasida 1-oktyabr — O‘qituvchi va murabbiylar kuni munosabati bilan «Ustozga ehtirom – ilmga ehtirom» shiori ostida yuksak saviyada ma’rifiy tadbir bo‘lib o‘tdi.
Tadbirda ustoz va mudarrislarning jamiyat ma’naviy hayotidagi, yosh avlodga ilm-ma’rifat va odob-axloq asoslarini singdirishdagi beqiyos o‘rni alohida e’tirof etildi. Uzoq yillardan buyon ta’lim-tarbiya sohasida fidokorona mehnat qilib kelayotgan ustozlarga hurmat va ehtirom ko‘rsatildi.
Bayram tadbiri doirasida 7 nafar ustoz-o‘qituvchining har biriga 5 million so‘mdan, jami 35 million so‘m miqdorida pul mukofotlari topshirildi. Shuningdek, 28 nafar mudarrisga oziq-ovqat mahsulotlaridan iborat jamlanmalar taqdim etildi.
Mazkur ezgu tashabbus ustozlarning ko‘p yillik mehnatini qadrlash, ularga bo‘lgan hurmat va ehtiromni amalda namoyon etish hamda ilm yo‘lida xizmat qilayotgan fidoyi insonlarni qo‘llab-quvvatlashning yorqin ifodasi bo‘ldi.
Ustozga ehtirom — ilmga ehtirom!
