Yangiliklar

“Vaqf” xayriya jamoat fondi rahbari Saudiya Arabistonining Oʻzbekistondagi favqulodda va muxtor elchisi Saʼd ibn Nosir Abu Haymad bilan uchrashdi. Saudiya Arabistonining mamlakatimizdagi elchixonasida boʻlib oʻtgan uchrashuvda konsullik boʻlimi rahbari Sattam al-Utaybiy va “Vaqf” xayriya jamoat fondi xalqaro aloqalarni rivojlantirish menejeri M.Qosimov ham ishtirok etdi. Dastlab, J. Salamov Oʻzbekiston musulmonlari idorasi huzuridagi “Vaqf” xayriya jamoat fondi haqida qisqacha toʻxtalib, tashkil etilganidan to hozirgi kungacha qilingan ishlar, xalqaro aloqalar yuzasidan maʼlumot berib oʻtdi. Elchi janoblari uchrashuv davomida “Vaqf” xayriya jamoat fondi haqida...

Xabar qilganimizdek, Saudiya Arabistonining Podshoh Salmon ko‘mak va xayriya ishlari markazi tomonidan mamlakatimizga hadya qilingan oziq-ovqat mahsulotlarini hududlar kesimida tarqatish boshlandi. Kecha xayriya qilingan oziq-ovqat mahsulotlari yuklangan yuk avtomashinalari Sirdaryo viloyatining Yangiyer shahrida joylashgan ombordan turli hududlar bo‘ylab yo‘lga tushgandi.Bugundan boshlab «Vaqf» xayriya jamoat fondining hududlardagi filiallarida ularni o‘z egalariga topshirish jarayoni boshlandi. Ijtimoiy himoya milliy agentligining viloyatlardagi boshqarmalari bilan hamkorlikda amalga oshirilayotgan tadbirlar davomida xayriya mahsulotlarining haqiqiy haqdorlarga yetib borishiga ustuvor ahamiyat berilmoqda.

Malayziyaning O‘zbekistondagi elchixonasida ikki tomonlama uchrashuv bo‘lib o‘tdi. Favqulodda va muxtor elchi Ilham Tuah bin Illias “Vaqf” xayriya jamoat fondi rahbari Jahongir Salamovni qabul qilib, hamkorlikni rivojlantirish yuzasidan fikr almashdi. Uchrashuvda “Vaqf” fondi vakillari vaqf va xayriya ishlari bo‘yicha ilmiy hamkorlikni yo‘lga qo‘yish, xodimlar malakasini oshirish, o‘zaro tajriba almashish taklifini berdi. Elchi janoblari Malayziyadagi 14 provinsiyaning har birida mustaqil vaqf tashkiloti mavjudligini bildirib, mazkur tashkilotlar bilan “Vaqf” xayriya jamoat fondini bog‘lashda, ular bilan hamkorlik o‘rnatishda vositachi bo‘lishga tayyor ekanlgini ta’kidladi....