Yangiliklar

Mamlakatimizda moliyaviy xizmatlar bozorini diversifikatsiya qilish, aholi va tadbirkorlarning investitsiyaviy faolligini oshirish hamda ijtimoiy adolat tamoyillarini mustahkamlash yuzasidan “Islom moliyasi va vaqf: Oʻzbekistonda joriy etish imkoniyatlari va istiqbollari” mavzusida xalqaro ekspertlar va davlat tashkilotlari vakillari ishtirokida seminar boʻlib oʻtdi. Oʻzbekiston Respublikasi Din ishlari buyicha qoʻmita, Islom Taraqqiyot banki va BMT Taraqqiyot dasturining mamlakatimizdagi vakolatxonalari hamkorligida tashkil etilgan tadbir davomida ekspertlar soʻnggi yillarda Oʻzbekistonda islom moliyaviy institutini joriy etish uchun muhim huquqiy qadamlar qoʻyilganini taʼkidlab oʻtishdi. Xususan, mikromoliya tashkilotlari tomonidan islom...

«Vaqf» xayriya jamoat fondi Farg‘ona viloyati filiali tomonidan amalga oshirilayotgan ezgu va xayrli ishlar doirasida saxovatpesha xalqimizning ehsonlari asosida shakllantirilgan 8 turdagi oziq-ovqat mahsulotlaridan iborat, umumiy qiymati 55 million so‘mlik yordam jamlanmalari viloyatimizda istiqomat qiluvchi 100 nafar ehtiyojmand hamda ijtimoiy ko‘makka muhtoj oilalarga tarqatildi.Mazkur xayriya tadbiri O‘zbekiston Respublikasi Ijtimoiy himoya milliy agentligi Farg‘ona viloyati boshqarmasi mas’ul xodimlari ishtirokida tashkil etildi.🤲 Yurtimizda mehr-oqibat va saxovat an’analarini davom ettirishga hissa qo‘shayotgan muruvvatli xalqimiz hamda fidoyi xodimlarimizdan Alloh taolo rozi bo‘lsin!

"Vaqf" xayriya jamoat fondi Toshkent viloyati filiali tomonidan Yangiyo‘l tumani Dehqonobod MFYda istiqomat qiluvchi, ijtimoiy reyestrda turuvchi fuqaro Xushvaqtova Laylo uchun yangi 4 xonali uy-joy barpo etildi.🏠 Uy-joy kaliti tantanali ravishda Toshkent viloyati bosh imom-xatibi o‘rinbosari hamda fondning viloyat filiali rahbari Musoxon domla Boboyev tomonidan xonadon sohibasiga topshirildi.Tadbir davomida yangi xonadon ko‘zdan kechirilib, oila farovonligi va kelajagi uchun duolar qilindi.🤲 Alloh taolo ushbu ezgu ishga hissa qo‘shgan barcha saxovatpesha insonlarning xayrli amallarini qabul aylasin.