O‘zbekiston musulmonlari idorasi huzuridagi “VAQF” xayriya jamoat fondi tomonidan kam ta’minlangan va ijtimoiy himoyaga muhtoj oilalar holidan muntazam xabar olinib, ularni qo‘llab-quvvatlash borasida ezgu ishlar amalga oshirilmoqda.
Ana shunday savobli tadbirlardan biri sifatida Sirdaryo viloyati Shirin shahar Mirzo Ulug‘bek MFY O‘rikzor ko‘chasi 3-uyda istiqomat qiluvchi, 4 nafar voyaga yetmagan farzandni tarbiyalayotgan fuqaro Dehqonova Dilnoza Erkinjonovnaning yashab turgan uyi yashash uchun mutlaqo yaroqsiz holga kelib qolgani inobatga olinib, barcha zamonaviy sharoitlarga ega yangi uy qurib berildi.
2026 yil 15 iyun kuni mazkur xonadonning tantanali topshirish marosimi bo‘lib o‘tdi. Unda “VAQF” xayriya jamoat fondi Sirdaryo viloyati vakillari, mahalla faollari hamda keng jamoatchilik ishtirok etib, xonadon sohiblarining quvonchiga sherik bo‘lishdi.
Tadbir davomida ehtiyojmand oilalarni qo‘llab-quvvatlash, inson qadrini ulug‘lash va saxovat hamda mehr-oqibat kabi ezgu fazilatlarni keng targ‘ib etish yurtimizda olib borilayotgan xayrli ishlar samarasi ekani alohida ta’kidlandi.
